عدد الرسائل : 18 العمر : 38 تاريخ التسجيل : 17/08/2009
موضوع: 3 اغانى دينيه بمناسبه شهر رمضان الكريم الأربعاء أغسطس 19, 2009 11:11 pm
1_الخير الخير مالسما نازل وعصيانك اليه طالع ورب رحيم بيندهلك وقلبك لسه بيمانع يقولك توب انا مسامــــــح على الماضى على امبارح على العمر اللى كان جارح وقلبك ليه ماهوش سامــع تعالى ادمع على الاعتاب ده باب التوبه قدامك بأيدك ليه تــرد الباب وليه بس الغــرور صـــابك اله منان وعالم بـيـــــك ومن نفسك احن عليـك قوم اتوضه ومد ايديـــك وقول بالدمع انا راجــــع --------------------- 2_انا راجع ذنوبى جبال ومستنى...رياح التوبه ترحمنى انا طمعان فى كرم اللى ملك الاكوان اموت ندمان عشان يارب تقبلنى انا راجع وتـــقــبــلنى...برغم اللى حصل منى ماليش اعزار وتعزرنى...رحيم يارب ترحمنــــى انا تايب وراجع بالهنا دايب ومستنى عليا تـــتـــــــوب مايبقى فى الصحيفه ذنوب لبحر المغفره عشطان انا الانسان رضاك يارب طمنى ---------------------- 3_السماح تايب ومحتاج رحمتك يارب عيــنـــى ارحمنى من كتر الذنوب واقبلها منى انت العزيز وانت الاقوى يارب السماح انا عبدك يارب التوبه والغـــــفران وليك وحدك هادتنى يارب بالقرأن سامحنى يارب الفـلــــوب عاصى وغرقان فى الذنوب انا بأسمك بسبـح وادعـى كل اذان ومين غيرك هايرحم ضعفى يارحمن واحد احد غفور رحــيــم بالغيب وبالمكتوب عليم ----------------------- ربنا يتوب علينا كلنا أمين يارب وكل سنه وانتم طيبين
الملاك البرىْ مشرفة قسم موهبي التاليف
عدد الرسائل : 758 العمر : 34 أوسمة : تاريخ التسجيل : 13/02/2009
موضوع: رد: 3 اغانى دينيه بمناسبه شهر رمضان الكريم الخميس أغسطس 20, 2009 9:51 pm
وانت طيب ياغالى كلمات رووووووعة بس اللى بدى اعرفة منك هى كلمات اغانى من تاليفك ولا هى اغانى من بتاعت المغنين علشان بس لو هى كلمات اغانى لاحد من المغنين دة هيكون مش مكانها فى القسم وسيتم نقلها الى قسم جرح كلمات الاغانى
بس هى رووووووعة حقيقى وانا بحيك عليها
سامح الكومى نجم جديد
عدد الرسائل : 18 العمر : 38 تاريخ التسجيل : 17/08/2009
موضوع: رد: 3 اغانى دينيه بمناسبه شهر رمضان الكريم الجمعة أغسطس 21, 2009 4:36 am
اولآ احب اقولك ماتخافيش الكلام ده كلامى مش منقول يعنى ثانيآ احب اعرفك بنفسى انا سامح الكومى شاعر غنائى وليا حاجات بأسمى مع مطربين ومنهم اغنيه سلملى على قلبك_لطارق الشيخ معايا قلب انجرح _أحمد العيسوى جيت على الجرح_لعبد الباسط حموده سألو الورد_مجدى طلعت شهاده لله محمد الجمال راضى بالهم اسلام البحيرى كل الحاجات دى بأسمى لان دى مهنتى اصلآ شكرآ على اهتمامك ياأخت ملاك
الملاك البرىْ مشرفة قسم موهبي التاليف
عدد الرسائل : 758 العمر : 34 أوسمة : تاريخ التسجيل : 13/02/2009
موضوع: رد: 3 اغانى دينيه بمناسبه شهر رمضان الكريم الجمعة أغسطس 21, 2009 9:03 pm
اهلا وسهلا بحضرتك وبجد انا سعيدة بوجودك معنا وبتمنى ان كلماتى تعجبك انشاء الله بما انك شاعر المنتدى
تحياتى اليك ياغالى وانا بعتذر بس كان لازم تعرفنا عليك اكتر دومت بود
سامح الكومى نجم جديد
عدد الرسائل : 18 العمر : 38 تاريخ التسجيل : 17/08/2009
موضوع: رد: 3 اغانى دينيه بمناسبه شهر رمضان الكريم الجمعة أغسطس 21, 2009 10:20 pm
ياجميله المنتدى واسمحيلى اطلق عليكى اللقب ده انا اللى اتشرفت بيكى وبكل أخوانا الموجودين معانا ملحوظه صغيره بس لو انتى كلامك مش عاجبنى او اى حد مهما كان عمرى ماهاعلق على موضوعه بصراحه انتى كلاماتك جميله بس زى ماقولتلك ناقصك الوزن تتعلمى وبس بالمناسبه انتى بتجيبى اللفاظ او بالبلدى اسامى اغانيكى رهيبه ماشاء الله عليكى ملكه الشعر عندك بتكبر وياريت تساعديها فى النمو بوزن جملك كل سنه وانتى طيبه وكل المسلمين بخير وانا مش شايف اى لزوم لكلمه حضرتك ولا الاعتذار ده أشكرك ياجميله المنتدى أخوكى / سامح
الملاك البرىْ مشرفة قسم موهبي التاليف
عدد الرسائل : 758 العمر : 34 أوسمة : تاريخ التسجيل : 13/02/2009
موضوع: رد: 3 اغانى دينيه بمناسبه شهر رمضان الكريم السبت أغسطس 22, 2009 12:36 am
موضوع: 3 اغانى دينيه بمناسبه شهر رمضان الكريم 
الأربعاء أغسطس 19, 2009 11:11 pm
