كل واحد فينا جوا احاسيس جميله وكل واحد بيطلع الاحاسيس دى بطريقته
واحنا كأشعراء احساسنا مختلف عن معظم الناس ومع ذلك صعب شويه
ان إى حد يقدر يكتب شعر وطبعآ مافيش حاجه بالساهل
مش ده موضوعنا ومش هاطول عليكم وندخل فى موضوعنا أحسن
علشان نكتب أغنيه تعجب الناس لازم تكون موزونه علشان تتسمع
ووزن الجمله شئ صعب شويه عند كتير من الشعراء
ماعلينا طب عايزين نتعمل نوزن بقى
وزن الجمله كالتالى
هوا لازم يعنى اقولك قلبى حبك قد ايه
مانت قلبك كان يدلك اللى بينا يبقى ايه
سهله اوى
8 كلمات فى اول جمله و8 كلمات فى تانى جمله
مثال تانى
اللى يجى يجى واللى يروح يروح
احنا بعد انهارده ياروح مابعدك روح
6 و6
ياجماعه المفروض نعد الجمله واحنا بنكتبها وبلاش كسل
يعنى مش حد مثلا يكتبلى كده ويقولى بوزن
انا لما شفت حبيبتى بصالى من السطوح
هرشت فى راسى فجأه وقولت ماروحش ولا اروح
سطوح ايه وبعدين شفته الكاسره
فوق 7 وتحت 8 حاجه عجيبه
مع العلم ان حرف الواو (و) فى جمله مش بيتعد لانه حرف مكمل
واساسى بس ساعات بيضايق
علشان تكتب اغنيه بقى وتبقى انشاء الله زى استاذنا
مصطفى كامل_بهاء الدين محمد_ايمن بهجت قمر وبقيت الناس الحلوه دول
لازم موضوع الاغنيه مايكونش زى القصيده يعنى تفضل تسرح وتكتب لحد ماتملا
صفحتين
بكل بساطه الاغنيه اليومين دول عباره عن مذهب و2 كوبلي
رومنسى شعبى كلاسيك فريحى دراما عادى برضه مذهب و2 كوبلى او واحد
والبحر اللى كلنا ابتدينا منه وطريقه عمل المذهب كده
...............................................................ن
...............................................................ن
.......................ك_............................ك
.......................ك_............................ن
طبعا محدش فهم حاجه
دى طبعآ .........ن يعنى جمله بتنتهى بحرف النون او كاف او او او او اللى اخره
المهم الجمله اللى فوق الحرف اللى تنتهى بى لازم تنتهى الجمله اللى تحت بنفس الحرف
ندخل على السينيو او المرجع يعنى اللى بنرجعله بعد مانخلص الكوبلى
اللى هما اربع جمل زى ماحنا شايفين فى التشبيه وده مثال
لا هانتحايل عليهم_ولاهانترجى فيهم
وان يوم اشتقنا ليهم_هاتقسينا الجروح
تلاته زى بعض اهو والاخيره زى اول جمله فى المذهب
والكوبلى بالظبط نفس طريقه المذهب
واتمنى ان اكون ضيفت حاجه صغيره ليكم واسف على طول شرحى
بس اعزورنى نفسى جيلنا يبقى زى الجيل القديم ونقدر نعمل حاجه كويسه
شكرآ لطوله بالكم وتحياتى أخوكم/ سامح الكومى