انجرحنا .......

موضوع: انجرحنا ....... الخميس يونيو 18, 2009 11:46 pm

كلنا دايما بنقول انجرحنا
وكتير بيقول انا انجرحت

بس محدش حاول مرة يقول
معنى الجرح ايه يمكن بنحس
بالجرح وبننجرح ونسكت بعدها

وممكن نفضل ساكتين ومنتكلمش
ولو اتكلمنا دموعنا هى لسانا

ووجعنا اللى جوانا والمنا هو
اللى بيخلينا منقدرش نقول يعنى
ايه جرح الجرح مش انك تتخان

ولا انك تسمع كلمة تخش جوة
الوجدان وبعدها تلاقى نفسك تعبان

الجرح مش انك تأمن وتنخدع
ولا انك من الحب تتمنع الجرح

مش معناه انك خلاص حرمت
ولا معناه انك حبيت وعبرت
الجرح يا ناس مش كلمة نقولها

وبعد كدة تنداس الجرح كلمة
كبيرة اوى ومهما قلتلها ومهما

حصلك حتلاقى نفسك لحد دلوقتى
انت لسة منجرحت وانا عايزة اقولكم

الجرح يعنى ايه بس كل واحد يمسك
عنيه انا عارفه ان دموعنا قريبة واننا
عشنا كتير كلنا فى حياتنا اللى يبكينا.

.. تعالوا لما نسمع ونشوف الجرح معناه ايه
...... أأأأأأأأأأأه على الجرح وأأأأأأأأأأأأه من الجرح لو انجرحت

محدش فيكم مرة سال نفسه سؤال
لما حد بيكون عيان ويخش يعمل لسمح الله

عملية ليه الطبيب بيديه بنج طبعا كلنا
عارفين علشان لما يمسك المشرط ويجى

مكان الالم علشان يفتح ويشيل المرض
المريض ميحسش بالجرح والالم ومع ذلك

بعد العملية وبعد ما بيفوق المريض بيحس بالجرح
وباردو بيحس بألم بيفضل بالفعل يئلموا لحد ما تتطيبه

الايام لكن جرح الايام ايه يطيبه يعنى ايه جرح جرح
يعنى تحس بوجع فى قلبك من غير ما تكون مريض

تحس ان روحك راحت من غير ما تشوف الموت
جرح يعنى تشوف احلامك بضيع من بين عنيك

وواقف تتفرج وانت مشلول مع انك بتمشى
وتقدر تجرى كمان جرح يعنى انك تحس

ان ضربات قلبك يوم ما تعرف انك بتتخان
او اتخنت بتزيد اوى مع انك سليم ومش بتشتكى

من اى حاجة جرح يعنى انك تشوف فى عيونك
سواد مع انك مفتح وتقدر تشوف كل الالوان جرح

يعنى يقف عقلك عن التفكير وقت الجرح
وتحس انك دايخ وتعبان مع ان عقلك شغال
وواعى وفهم الجرح اللى بيكون او الجرح

اللى كان جرح يعنى تكتم الاه والصرخة
وتحس انك اخرس من صدمتك مع ان صوتك
ولسانك يقدر يقول كل الكلام لسه عندى كتير

كلام بس مش قادرة وخايفة افتح الجرح اللى كان
عرفتو معنى الجرح ايه سامحونى على الالفاظ القاسية
والتعبير اللى مليان احزان

بس لو كنت حسيت بكل دة فى وقت
واحد يبقى أكيد انت انجرحت فى يوم من الايام

مش عار ف اقول ايه بجد بتمنالك حياة سعيدة وحلوة كمان ربنا يفرحك ويبعد عنك كل الاحزان

الله يخليك
ويسعدك انشاء الله
ويحلى ايامك

اسكت يا قلمى

عندما تكتب الملاك البرئ

هههههههههههه
ال اسكت ياقلمى ال
ربنا يخليك يااحنا كدة
وبعدين لما هو يسكت امال اقرء لمين بس

[b]

على فكره انتى مؤلفه جامده اوى
بس برضه مش عايز اجمالك وعايز اقولك كام معلومه يارب تفيدك
انتى محتاجه تتعلمى الوزن شويه وتعرفى الفرق بين الاغنيه والقصيده
والله ياختى بقولك كده للنصيحه مش اكتر
وعلى العموم انا اشتركت هنا علشان انا برضه بحب اكتب شويه على قدى
ويمكن انشاء الله اعمل موضوع عن وزن الجمل يفيد كل الموهبين
بالتوفيق انشاء الله وبجد انتى هايله والله برافو عليكى

ربنا يخليك
ومعلومتك بجد انا بحترمها
واهلا وسهلا بيك
وتسلم كتير
تحياتى اليك
وبجد المنتدى نور بوجودك معنا